МАКБЕТ

16+

Уільям Шэкспір.

Трагедыя на 2-е дзеі.

Вялікая сцэна.

Прэм’еры
– 26 мая  2013 года на ХV Міжнародным тэатральным фестывалі «Мельпамена Таўрыі» (Херсон, Украіна)
5 чэрвеня 2013 года - на вялікай сцэне тэатра

«Я заўсёды шукаю такі матэрыял, каб акцёр-асоба меў магчымасць выказацца, а дзеля гэтага мы ўсе павінны быць вельмі дасведчанымі… Наколькі мы асабіста зможам увайсці ў гэтую гісторыю, настолькі ўдалым і зразумелым для гледача будзе наш спектакль… Хацелася б выйсці за межы звыклага… Тут патрэбна напоўненасць і глыбіня… Гэта ва ўсе часы было, ёсць і будзе – чалавек і ўлада. Вельмі важна, каб у кожнага з вас была свая праўда…» (Валерый Анісенка, пастаноўшчык спектакля).

Самае складанае – пражыць жыццё і застацца чалавекам – менавіта гэта лейтматыў п’есы «Макбет». Гераічны ваяр за дзяржаву і караля Макбет, пачуўшы прадказанне ведзьмы пра будучыню, паводзіць сябе вельмі нечакана. Вялікі тан каўдорскі пад націскам жонкі – лэдзі Макбет – ідзе на забойства караля Дункана. А што далей? Цяпер ужо цяжка спыніцца…

Сцэнічная рэдакцыя і вольны пераклад Аляксея ДУДАРАВА.
Пастаноўка заслужанага дзеяча мастацтваў Рэспублікі Беларусь Валерыя АНІСЕНКІ.
Сцэнаграфія Аляксандра КАСЦЮЧЭНКІ.
Касцюмы Ніны ГУРЛО.
Музыка і музычнае афармленне Уладзіміра КАНДРУСЕВІЧА.
Рэжысёр па пластыцы Дзіяна ЮРЧАНКА.
Асістэнт рэжысёра па святлу Яўген КУЛЯШОЎ.

ДЗЕЙНЫЯ АСОБЫ і ВЫКАНАЎЦЫ

МАКБЕТ

- Юрась ЦВІРКА

ЛЭДЗІ МАКБЕТ

- Анжаліка БАРКОЎСКАЯ
- Ірына ЦІШКЕВІЧ

БАНКА

- Яўген БЕРАСНЕЎ

РОС

- Яўген ЛУК'ЯНАЎ

МАКДУФ

- Георгій ЛОЙКА

СТАРЫ

- заслужаны артыст Рэспублікі Беларусь
Рыгор ШАЦЬКО

ПЕРШЫ ЗАБОЙЦА

- Арцём БЛАХІН

ДРУГІ ЗАБОЙЦА

- Дзмітрый КАВАЛЕНКА

СЛУГА

- Арцём ГЕРАК
- Раман САЛАЎЁЎ

ВЯДЗЬМАРКІ

- Валянціна БАГДАНАВА
- Анжаліка БАРКОЎСКАЯ
- Раіса ГРЫБОВІЧ
- Святлана СУХАДОЛАВА
- Ірына ЦІШКЕВІЧ
- Вікторыя ШАМАРДЗІНА

Працягласць спектакля - 1 гадзіна 30 хвілін без антракту.

Фота спектакля - У ГАЛЕРЭІ.

Фестывалі:

- ХV Міжнародны тэатральны фестываль «Мельпамена Таўрыі» (Херсон, Украіна, 2013)
- IV Міжнародны тэатральны фестываль «Смаленскі каўчэг» (Смаленск, Расія, 2014). Валерый Анісенка узнагароджаны дыпломам «За лепшую рэжысуру», Георгій Лойка - дыпломам «За лепшую ролю другога плана»
- XXIII Міжнародны фестываль мастацтваў «Славянскі базар у Віцебску» (2014). Начны пленэрны паказ спектакля у межах «Тэатральных сустрэч» на тэрыторыі музея-сядзібы І.П.Рэпіна «Здраўнёва»

Публікацыі:

1. «Кто начал злом, для прочности итога, все снова призывает зло в подмогу». - «Південна інформаційна компанія». - 27.05.2013.
2. «Шекспира сыграли в Цюрюпинском лесу». - «Південна інформаційна компанія». - 27.05.2013.
3. «Трагедия под шёпот ведьм» В.Дашкевич. – «Витебский проспект». - 13.06.2013.
4. «Макбет» пад поўняй» С.Дашкевіч. – «ЛІМ». - 15.06.2013.

5. «Адвечная магія класікі» С.Дзядзінкінай. – «Витебские вести». - 21.11.2013.
6. «Страсти по Шекспиру» С.Муханава. - «Смоленская газета». - 9.04.2014.
7. «Репортаж с ночного спектакля: висельник на дереве и темные духи» Л.Мінкевіч. «СБ-Беларусь сегодня». - 12.07.2014.
8. «Начны Макбет, альбо Ноу-хау Валерыя Анісенкі» Ю.Іваноўскага. – «ЛІМ». - 18.07.2014.

9. «Макбет в тумане» В.Сенькова. – «Витьбичи».

Комментарии

Даволі нечакана і вельмі прыемна тое, што п'еса на добрай, мякькай і гучнай беларускай мове, а не на саўдэпаўскай спрошчанай трасянцы .    Перш за ўсё хацелася б адзначыць моманты, якія негатыўна паўплывалі на асабіста маё ўспрыманне п'есы. Па-першае, некалькі зрэзаны, у параўнанні з арыгіналам, сцэнар. І калі, напрыклад, сцэну ў замку Макдуфа ў Файфі , даволі лёгка можна было б і апусціць, то эпізод намоваў Малькольма на самога сябе перад Макдуфам цалкам заслугоўваў права на жыццё.Некалькі складана успрымаўся эпізод балю Макбета пры з'яўленні духу Банка . Чалавеку, незнаёмаму з арыгіналам зразумець было б вельмі цяжка, пра што ідзе гаворка, і чаму шалее Макбет .Але самае негатыўнае ўражанне пра дзею, па-за ўсякім сумневам , пакінулі ведзьмы . Актрысы , прынамсі, пераіродьзілі  Ірада , і разбурылі натуральнасць.Больш на адмоўных момантах завастьраць увагу не хацелася , бо, скажу шчыра , спытаўшы самога сябе , я зразумеў - нават у думках я б лепш не згуляў.Што ж тычыцца ўзору выдатнай гульні , то па-за сумненняў , усю сілу страсці , сумненняў і прагу ўлады зьявілі нам  Макбет і яго жонка. І больш за ўсё ім атрымалася паказаць як грэх здольны разбураць людьзей знутры, ператвараючы далікатныя і гарачыя адносіны ў абыякавасць, якія мяжуюць з нянавісцю адзін да аднаго.А вось што асабліва хацелася адзначыць, - проста цудоўную гульню брамніка. 5 балаў! Зразумела, роля невялікая, кантрастаў у ролі амаль няма, можна было падрыхтавацца на добрым узроўні, але асабіста я атрымаў ад сузірання яго гульні велізарнае задавальненне - вельмі натуральна і адкрыта згуляна. Дьзякуй!Дадаў драматызму эпізод самагубства Лэдзі Макбет. Не пабаюся сказаць што тут рэжысёр «перашакспірыў » самога Шэкспіра​​, але п'еса ад гэтага, па-за усялякіх сумьневаў, толькі палепшала.І напрыканцы - самае галоўнае. Гледьзячы на тэатральную афішу апошніх гадоў , міжволі лавіў сябе на думцы што чытаю праграму расійскага тэлебачання. І ўжо не верыў , што калі-небудзь захачу пайсці ў тэатр ім. Я. Коласа. Але адбыўся цуд!                   І дьзякуй усім тым , хто працаваў на увасабленнем гэтага цуду . І так хочацца марыць, што аднойчы мы ўбачым на гэтай сцэне « Гамлета » .Яшчэ раз дьзякуй ! І захоўвай вас Гасподзь!  Зь вялікай павагай. Sir Lancelot.

Паважаны Sir Lancelot!

Менавіта такіх каментароў, такіх, як Вашы, вельмі не хапае нашаму сайту. Яны ажыўляюць, прымушаюць задумацца, абмеркаваць, удасканаліць... Спадзяемся, што і 88-ы сезон задаволіць Вас новымі пастаноўкамі.

З удзячнасцю, коласаўцы.

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

      

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка