ФУРШЭТ ПАСЛЯ ПРЭМ'ЕРЫ

18+

Валянцін Краснагораў.

Саркастычная камедыя на 2-е дзеі.

Вялікая сцэна.

Прэм’ера – 19 верасня 2026 года.

Усё дзеянне спектакля, як гэта ні дзіўна, адбываецца ў тэатры, пасля фіналу класічнай шэкспіраўскай п’есы «Атэла». Вершаваныя рэплікі герояў, яркія касцюмы эпохі Адраджэння, моцныя рукі маўра, які душыць сваю Дэздэмону… А пасля паклону пачынаецца самае цікавае…

Акцёры збіраюцца на фуршэт, рэжысёр каментуе створаныя вобразы імі вобразы… Але куды падзелася галоўная гераіня? У спектаклі пераплятаецца саркастычная камедыя і дэтэктыўная гісторыя. Нечаканы сюжэт напаўняецца анекдатычнымі сітуацыямі і вострымі жартамі, раскрываюцца інтрыгі закулісся. У гледачоў ёсць шанс убачыць, да чаго прыводзяць таемныя тэатральныя адносіны і дамоўленасці, і зразумець, што акцёры таксама, як кажуць, жывыя людзі.

Спектакль, які расказвае пра недахоп любві і ўзаемаразумення, абавязкова зацікавіць сучасным разуменнем сітуацыі, калі героі жадаюць любымі сродкамі дасягнуць сваёй мэты.

П’еса Валянціна Краснагорава «Фуршэт пасля прэм’еры» больш за 20 год з поспехам ідзе на падмостках тэатраў бліжняга і далёкага замежжа.

Пастаноўка, музыка і музычнае афармленне, пераклад п’есы на беларускую мову Сяргея КУЛІКОЎСКАГА.
Сцэнаграфія і касцюмы Святланы МАКАРАНКА.
Пластыка і харэаграфія Ульяны АЦЯСАВАЙ.

ДЗЕЙНЫЯ АСОБЫ і ВЫКАНАЎЦЫ

АТЭЛА - Юрась ЦВІРКА, уладальнік медаля Францыска Скарыны

ДЭЗДЭМОНА - Таццяна ЛІХАЧОВА, заслужаная артыстка Рэспублікі Беларусь

ЯГА – Яўген БЕРАСНЕЎ

КАСІА - Уладзіслаў ЯДРОЙЦАЎ 

ЛАДАВІКА – Дзмітрый ФІЛІМОНЕНКАЎ

ЭМІЛІЯ - Алена ШАРЭПЧАНКА

Б'ЯНКА – Вікторыя ШАМАРДЗІНА

Працягласць спектакля – 1 гадзіна 50 хвілін з антрактам.

Фота спектакля - У ГАЛЕРЭІ.