Таццяна ЛІХАЧОВА

Артыстка, вядучы майстар сцэны
Заслужаная артыстка Рэспублікі Беларусь

«У маім сэрцы непарыўна – тэатр, сям’я і творчыя сябры – адна вялікая пляцоўка, пануе смех тут, раптам – слёзы і непамерная любоў…»

Асноўныя ролі: 

– Валянціна («Летась у Чулімску» А.Вампілава) 
– Зінуля («Зінуля» А.Гельмана)
– Джульета («Рамэа і Джульета» У.Шэкспіра) 
– Юлька («Адпачынак пасля ранення» В.Кандрацьева)
– Маша («…Таму што люблю…» А.Паповай) 
– Франя («Пакахай мяне, салдацік» паводле аднайменнай аповесці В.Быкава) 
– Сеньёра Капулеці («Чума на вашы дзве сям’і» Р.Горына)
– Дзяўчына («Любоўны карагод» А.Шніцлера) 
– Люці («Люці» А.Дударава)
– Адэлаіда («Адэлаіда» Ж.Унгарда)
– Смерць («Ладдзя роспачы» паводле аднайменнай аповесці Ул.Караткевіча)
– Голда («Памінальная малітва» Р.Горына) 
– Этэр («Млын» А.Дударава) 
– Еўфрасіння («Крыж Еўфрасінні» І.Масляніцынай)
– Грыпіна («Мікітаў лапаць» М.Чарота) 
– Нэнсі Валонэ («Перабор» Х.Бергера) 
– Тамара («Кошкі-мышкі» А.Марданя)
– Пацучыха («Вясёлы Роджэр» Д.Салімзянава)
– сеньёра Мантэкі («Рамэа і Джульета» У.Шэкспіра)
– Баба Яга («Да трэціх пеўняў» паводле аднайменнай аповесці В.Шукшына)
– Мэг Фолан («Каралева прыгажосці з Лінэна» М.МакДонаха)
– Бабуля («Снежная каралева» Я.Шварца паводле Х.-К.Андэрсена)
- місіс Сэвідж («Дзіўная місіс Сэвідж» Дж.Патрыка)
– Мыш («Прыгоды Дзюймовачкі» П.Ісайкіна паводле Х.-К.Андэрсена)
- Мара Цвіёвіч («Доктар філасофіі» Б.Нушыча)
- місіс Бэйкер («Дарослыя дзеці» паводле п’есы «Гэтыя вольныя матылькі» Л.Герша)

Таццяна Уладзіміраўна Ліхачова працуе ў Нацыянальным акадэмічным драматычным тэатры імя Якуба Коласа з 1972 года. Прынята ў тэатр па выніках конкурснага адбору, у студзені-жніўні 1972 года працавала па дагаворы. За гэты час выдатна сыграла ролі Эйке ў спектаклі «Свой востраў» Р.Каўгвера і Мажэйкі ў «Амністыі» М.Матукоўскага. Мастацкае кіраўніцтва тэатра рэкамендавала Таццяну Ліхачову для паступлення ў Беларускі дзяржаўны тэатральна-мастацкі інстытут. У 1976 годзе яна вярнулася ў тэатр спецыялістам з вышэйшай адукацыяй.

У 1998 годзе Таццяна Ліхачова стала лаўрэатам гарадской прэміі «Сузор’е муз» у намінацыі «Тэатральнае мастацтва». За высокае выканальніцкае майстэрства пры стварэнні вобразаў нашых сучаснікаў і класічных персанажаў, актыўную прапаганду беларускага тэатральнага мастацтва ў 2001 годзе артыстка ўдастоена ганаровага звання «Заслужаны артыст Рэспублікі Беларусь».

Уваходзіць у склад мастацкага савета тэатра. Старшыня Віцебскай арганізацыі Беларускага саюза тэатральных дзеячаў.

Водгукі на творчасць Таццяны Ліхачовай:

1. Казіміроўскі С. «Таня, ісці табе!..» / С.Казіміроўскі/ Літаратура і мастацтва. – 11 жніўня 1978 года. – С.12.
2. Манохін М. «Драматургія – гэта поліфанічная музыка» /М. Манохін/ Мастацтва. – № 5. – 1994. – С.15–18.
3. Широкова Р. Татьяна Лихачёва: «Без меня моим мальчикам было бы скучно…» /Р.Широкова/ Витьбичи. – 21 апреля 1998  года. – С.4.
4. Іваноўскі Ю. Каб загучала срэбная струна /Ю.Іваноўскі/ Літаратура і мастацтва. – 18 кастрычніка 2002 года.
5. Карюхина Т. Панк и рок бальзаковского возраста /Т.Карюхина/ БелГазета. – 11 июня 2007 года. – С.15.
6. Ждановіч В. Святло і цень Таццяны Ліхачовай /В.Ждановіч/ Беларусь. – 2012. – № 12. – С. 46–51.
7. Дашкевич В. Актриса, благодарная судьбе /В.Дашкевич/ Витебский проспект. – 11 июня 2012 года.