СМЕШНЫЯ ЛЮДЗІ

12+

Іграем Чэхава.
Камедыя паводле аднаактовых п’ес «Пра шкоду тытуню», «Юбілей», «Прапанова».

Прэм’ера – 2 жніўня 2018 года.

Гісторыі спектакля – быццам спісаныя з жыцця класікам прозы і драматургіі Антонам Паўлавічам Чэхавым. Прасякнутыя тонкай іроніяй і знаходлівым гумарам, яны захапляюць лёгкасцю сюжэта і вытанчанасцю вобразаў. Героі Чэхава – звычайныя людзі, якія ў прапанаваных абставінах выглядаюць смешнымі, чуллівымі, кранальнымі.

«Пра шкоду тытуню»
Іван Іванавіч Нюхін – сапраўдны муж сваёй жонкі, які шукае любую магчымасць, каб у сваіх лекцыях расказаць пра пакуты сямейнага жыцця.

«Юбілей»
Юбілей банка – справа адказная. Але пакуль адныя, як старшыня кіраўніцтва Шыпучын Андрэй Андрэевіч, з хваляваннем чакаюць урачыстасці, іншыя, як бухгалтар Кузьма Мікалаевіч Хірын, займаюцца складанай штодзённай працай. Але ці магчыма па-сапраўднаму засяродзіцца на справе, калі перад вачыма пастаянна мітусяцца то жонка начальніка Таццяна Аляксееўна, то дакучлівыя наведвальнікі з прашэннямі кшталту Настассі Фёдараўны Мярчуткінай, то службоўцы з паперкамі і віншаваннямі?!..

«Прапанова»
Памешчык Іван Васільевіч Ломаў прыходзіць да свайго суседа Сцяпана Сцяпанавіча Чубукова, каб зрабіць прапанову ягонай дачцэ Наталлі Сцяпанаўне. І ўсё магло б вырашыцца паспяхова, калі б не да смешнага бессэнсоўная прынцыповасць у меркаваннях усіх трох герояў, прыперчаная спрэчнымі пытаннямі маёмасці і сабакаводства.

Пераклад Алеся ЗАМКОЎСКАГА.
Пастаноўка і музычнае афармленне заслужанага дзеяча мастацтваў Расіі Юрыя ПАХОМАВА.
Мастак-пастаноўшчык Андрэй ЖЫГУР.

ДЗЕЙНЫЯ АСОБЫ і ВЫКАНАЎЦЫ

Працягласць спектакля – 2 гадзіны з антрактам.

Фота спектакля - У ГАЛЕРЭІ.

Публікацыі:

1. «Смех скрозь слёзы» Ю.Іваноўскага (пра спектакль «Смешныя людзі» паводле аднаактовых п'ес-жартаў Антона Чэхава). - «Культура», 25-31.08.2018. (Чытаць)