ДЗЕЦІ. ВЁРСТЫ

12+

Арцём Казюханаў.

Дарога жыцця ў сямі песнях
паводле творчасці народнага паэта Беларусі Якуба Коласа.

Камерная сцэна.

Прэм’ера – 20 і 22 лістапада 2022 года.

Спектакль «Дзеці. Вёрсты» прысвечаны 140-годдзю з дня нараджэння народнага паэта Беларусі Якуба Коласа. Выкарыстоўваючы сучасныя мультымедыйныя тэхналогіі, сённяшнія творцы тэатра па-аўтарску асэнсоўваюць спадчыну сусветна вядомага айчыннага пісьменніка. Пастаноўка насычана глыбокімі роздумамі, народным гумарам, лірычным настроем, яна яшчэ раз паказвае, што жыццё – гэта моцная сумесь трагічных і камічных эпізодаў.

Шляхі Станцыйнага наглядчыка і Кабеты перасякаюцца на дарозе жыцця. У віхуры ўспамінаў яны аб’яднаны адным пытаннем: куды жыць? Памяць адкрывае старонкі мінулага – адну за адной. Сям’я, пачуццё абавязку, немагчымасць зразумець бліжняга, любоў маці і сына, самалюбства... Класічныя героі з трылогіі «На ростанях» і п’есы «На дарозе жыцця» разам з гледачамі ідуць дарогамі свайго жыцця, шукаюць, як у кругазвароце дзён захаваць нешматлікія імгненні шчасця.

Рэжысёр-пастаноўшчык Інэс АМАМІ.
Сцэнаграфія і касцюмы Андрэя ЖЫГУРА.
Кампазітар Павел САЛДАЦІКАЎ.
Харэограф Сяргей ТАЛКАЧ.
Пераклад на беларускую мову Пятра ЛАМАНА.

ДЗЕЙНЫЯ АСОБЫ і ВЫКАНАЎЦЫ

КАБЕТА - Раіса ГРЫБОВІЧ / Святлана ЖУКОЎСКАЯ

СТАНЦЫЙНЫ НАГЛЯДЧЫК - Генадзь ГАЙДУК / Георгій ЛОЙКА, заслужаны артыст Рэспублікі Беларусь / Дзмітрый КАВАЛЕНКА

ВАСІЛЬ, сын КАБЕТЫ - Антон БАРАНОЎСКІ / Дзмітрый ФІЛІМОНЕНКАЎ

САША, ГАННА - Таццяна РОГАТ / Святлана СУХАДОЛАВА

МАРЫЯ, ДЗЯЎЧЫНА - Ульяна АЦЯСАВА / Ксенія КАМІНСКАЯ

КРУГЛЫ, ЧЭСЬ, сын Баранкевіча - Міхаіл АСАНАЎ / Раман ВОЛАТ

САХАНЮК, СВЯТАР - Дзмітрый КАВАЛЕНКА / Цімур ЖУСУПАЎ

ЛАБАНОВІЧ, БАРАНКЕВІЧ - Яўген БЕРАСНЕЎ / Максім РАТОМСКІ

Працягласць спектакля - 1 гадзіна 30 хвілін без антракту.

Спектакль вядзе Святлана ДАШКЕВІЧ.