ДОМ НА МЯЖЫ

16+

Славамір Мрожак.

Трагікамедыя на 2-е дзеі
па п’есах «Караль» і «Дом на мяжы».

Вялікая сцэна.

Прэм’ера - 27 сакавіка 2020 года.

Польскі класік сучаснай драматургіі Славамір Мрожак (1930-2013) заўжды пісаў пра наш навакольны свет, які цяжка патлумачыць, і чалавека, якога складана спасцігнуць. У яго п’есах актуальныя і сацыяльна значныя тэмы паказаны з дапамогай сатыры, перавелічэння, гратэску, абсурду і канешне – адкрытага і такога дзівоснага гумару. Любы падтэкст можна расчытаць – трэба толькі ўважліва глядзець і добра слухаць.

«Караль»

Унук прыводзіць свайго Дзядулю на прыём да Акуліста, каб той выпісаў старому акуляры. Таму што без акуляраў Дзядуля не можа знайсці, пазнаць і ў выніку знішчыць нейкага невядомага Караля. Дзеля гэтага стары пастаянна носіць з сабой зараджаную стрэльбу. Навошта забіваць – невядома. Але зрабіць гэта проста неабходна! Пасля працяглых спрэчак Дзядуля ў рэшце рэшт надзявае акуляры – і падазрае, што Каралем з’яўляецца той самы Акуліст. Што дапаможа да смерці спалоханаму доктару выкруціцца з парадаксальнай сітуацыі – вучонасць, красамоўства ці выключна рашучы ўчынак? А як бы ты паводзіў сябе, ці прыняў бы ідэю «каралізму», калі б у твае дзверы, у тваё жыццё пастукалі Унук з Дзядулем?

«Дом на мяжы»

Пад час спакойнай вячэры ў доме звычайнай сям’і з’яўляюцца Дыпламаты з найважнейшым міжнародным даручэннем – правесці дзяржаўную мяжу. Дзе? Непасрэдна праз гэты дом, пасярод гасцёўні. Паколькі неабходнасць правядзення мяжы не можа быць аспрэчаная, то з маўклівай згоды сям’і чыноўнікі прымаюцца за справу. І з гэтага дня жыццё пераўтвараецца ў хаос: пасярод дома з’яўляецца шлагбаум, усталёўваецца прапускны і візавы рэжым, паўсюль вытыркаюцца ці мытнікі, ці кантрабандысты... Сям’я нібыта становіцца непасрэдным удзельнікам стварэння гісторыі. Узнікае толькі адно пытанне: як жыць у абсурднай сітуацыі, калі ты не з’яўляешся гаспадаром свайго дома?!

Пастаноўка і музычнае афармленне Міхася КРАСНАБАЕВА.
Сцэнаграфія і касцюмы Святланы МАКАРАНКА.
Пластыка і харэаграфія Дзіяны ЮРЧАНКА.
Пераклад на беларускую мову Вячаслава РАКІЦКАГА.

ДЗЕЙНЫЯ АСОБЫ і ВЫКАНАЎЦЫ

«КАРАЛЬ»

АКУЛІСТ -

ДЗЯДУЛЯ - Генадзь ГАЙДУК, уладальнік медаля Францыска Скарыны

УНУК - Цімур ЖУСУПАЎ

«ДОМ НА МЯЖЫ»

Я - Яўген БЕРАСНЕЎ

ЖОНКА -

ДАЧКА АДЭЛЯ - Алёна ЧЫСТАБАЕВА

ДАЧКА БАЖЭНА -

ЦЕСЦЬ - Генадзь ГАЙДУК, уладальнік медаля Францыска Скарыны

ЦЕШЧА - Святлана ЖУКОЎСКАЯ / Таццяна ЛІХАЧОВА, заслужаная артыстка Рэспублікі Беларусь

ПЕРШЫ ДЫПЛАМАТ - Георгій ЛОЙКА, заслужаны артыст Рэспублікі Беларусь

ДРУГІ ДЫПЛАМАТ -

ТРЭЦІ ДЫПЛАМАТ - Цімур ЖУСУПАЎ

ЧАЦВЁРТЫ ДЫПЛАМАТ –

ПЕРШЫ МЫТНІК - Юрась ЦВІРКА, уладальнік медаля Францыска Скарыны

ДРУГІ МЫТНІК - Пятро ЛАМАН, уладальнік медаля Францыска Скарыны

КАНТРАБАНДЫСТ -

КАПІТАН САПЁРАЎ -

СТРАЖНІК -

Працягласць спектакля – 1 гадзіна 20 хвілін без антракту.

Фота спектакля - У ГАЛЕРЭІ.