ТРАГЕДЫЯ ПАД НАЧНЫМ НЕБАМ

Валерый Анісенка – рызыкоўны творца. Амбіцыйнасць ягоных падыходаў уражвае. Творчай нечаканасцю стала тое, што ў самы першы прэм’ерны паказ трагедыі «Макбет» Уільяма Шэкспіра адбыўся на ўкраінскім фестывалі «Мельпамена Таўрыі» – пад адкрытым небам на імправізаванай пляцоўцы. Англійская трагедыя ва ўкраінскім лесе на беларускай мове стала адной з выключных падзей фестывалю ў Херсоне.

Сёлета, пад час тэатральных сустрэчаў на Міжнародным фестывалі мастацтваў «Славянскі базар у Віцебску», коласаўцы пакажуць сусветна вядомую трагедыю на роднай зямлі. Уявіце сабе!.. Цёмныя сілуэты дрэў сядзібы Іллі Рэпіна «Здраўнёва», патаемныя гукі, прахалодныя павевы панадзвінскага ветру ночы і поўня ці месяц, якая пражэктарам асвятляе тэатральную дзею…

Трагедыя ў выкананні коласаўцаў – не проста тэатральны эксперымент, але высока мастацкі твор, які, пазбягаючы банальнасці, у чарговы раз уздымае адвечнае пытанне пра Дабро і Зло, багата аздобленае сучаснымі акцэнтамі. Журы IV Міжнароднага тэатральнага фестываля «Смаленскі каўчэг» (красавік 2014 года) прызнала работу Валерыя Анісенкі найбольш яркай у намінацыі «Лепшая рэжысура».

У спектаклі занятыя Юрась Цвірка, Анжаліка Баркоўская, Ірына Цішкевіч, Георгій Лойка, Яўген Бераснеў, Яўген Лук’янаў, Валянцін Цвяткоў, заслужаны артыст Рэспублікі Беларусь Рыгор Шацько.

Сёлета ўвесь тэатральны свет святкуе 450-годдзе Уільяма Шэкспіра. Тэатр імя Якуба Коласа прысвячае начны паказ трагедыі «Макбет» да гэтай знакавай падзеі.

Начны пленэрны паказ трагедыі «Макбет» Уільяма Шэкспіра
адбудзецца
на тэрыторыі музея-сядзібы І.Я.Рэпіна «Здраўнёва»
11 ліпеня, а 23-й гадзіне.

Ад’езд ад тэатра – а 22-й гадзіне.

Квіткі – у кассе тэатра і ў распаўсюджвальнкаў.

Даведкі па тэлефонах:
36-00-43 (каса), 36-06-80, 37-22-78 (адміністратары).

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

      

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка