ПАПЯЛУШКА

Тамара Габэ.

Музычная казка для дзяцей і дарослых
па п'есе «Крышталёвы чаравічак»
паводле творчасці Шарля Пэро.

Вялікая сцэна.

Прэм'ера - 19 снежня 2020 года.

Каб дасягнуць шчасця ў жыцці, трэба быць добрай, сціплай, спагадлівай, чуллівай і, канешне, працавітай. Менавіта такая і ёсць Папялушка, галоўная гераіня аднайменнага спектакля. Яна больш за іншых заслужыла наведаць каралеўскі баль. Папялушка робіць усё магчымае, каб яе злая мачаха і сварлівыя зводныя сёстры былі задаволеныя, але ў падзяку атрымлівае толькі штодзённыя папрокі і пакаранні. Абараніць яе не можа нават родны тата Ляснічы. Але выратаванне ёсць! Хросная Фея і яе вучань Паж! Некалькі яркіх, неверагодных цудаў – і вось Папялушка ў чароўнай сукенцы і крыштальных туфліках едзе на дзівосны баль. Там ціхмяную прыгажуню адразу заўважае Прынц, не разлучаецца з ёй увесь вечар. Узнікае каханне... Але ж на ўзаемнае прызнанне не стае часу... Як вядома, у казцы ўсё скончыцца шчасліва, і згублены крыштальны туфлік дапаможа Папялушцы стаць прынцэсай.

Коласаўскі тэатр прапануе дзецям і дарослым чароўна правесці час на музычным спектаклі, насычаным прыгожымі танцамі і песнямі, атрымаць асалоду ад цудоўнай ігры акцёраў, ад маляўнічых касцюмаў і выразнага мастацкага афармлення.

Пастаноўка, музычнае афармленне, пераклад п’есы на беларускую мову Святланы НАВУМЕНКА.
Сцэнаграфія Юрыя САЛАМОНАВА.
Касцюмы Вікторыя ЦЯ-СЕН.
Харэаграфія Дзіяны ЮРЧАНКА.

ДЗЕЙНЫЯ АСОБЫ і ВЫКАНАЎЦЫ

ПАПЯЛУШКА - Аліна АСТРАШАБ / Вераніка МАЛАШКЕВІЧ

ФЕЯ – Таццяна ЛІХАЧОВА, заслужаная артыстка Рэспублікі Беларусь

ПАЖ - Кірыл ГІЛЬГЕНБЕРГ

КАРОЛЬ – Вячаслаў ГРУШОЎ, заслужаны артыст Рэспублікі Беларусь / Пятро ЛАМАН, заслужаны артыст Рэспублікі Беларусь

ПРЫНЦ – Антон БАРАНОЎСКІ / Ілля БЛЫКІН

МАЧАХА – Святлана ЖУКОЎСКАЯ / Ніна ОБУХАВА

ГАРДЭНЗІЯ – Крысціна УЛЬЯНЕНКА / Дар'я ФРАНЦУЗАВА

ЖАВОТА – Вікторыя ШАМАРДЗІНА

ЛЯСНІЧЫ – Вадзім АСВЯЦІНСКІ

МІНІСТР АХОВЫ - Мікалай ЧАРНЫХ

МАРКІЗ ПАДЭТРУА – Дзмітрый ФІЛІМОНЕНКАЎ