МАЯ ЖОНКА - ПАДМАНШЧЫЦА

12+

Маргарэт Мэё, Морыс Энэкен.

Камедыя на 2-е дзеі.

Вялікая сцэна.

Прэм’ера - 21 лістапада 2019 года.

Уільям Гарысан – добры, надзейны муж, які марыць займець дзіця. І самы вялікі ягоны недахоп – нястрымнае пачуццё рэўнасці. Ягоная жонка Кэці думае толькі пра забавы і бесклапотнае жыццё і аднойчы ўтойвае ад мужа, што снедала ў рэстаране з сябрам сям’і Джымі Скотам. Уільям мог бы не заўважыць такую дробязь, але ж Кэці хлусіць яму пастаянна. Пасля чарговага скандалу муж сыходзіць з дому. Каб вярнуць каханага, Кэці вырашаецца на грандыёзны падман, падказаны сяброўкай Мэджы Скот…

Вядома, авантурная камедыя становішчаў скончыцца хэпі-эндам. А перад гэтым героі вымушаны не адзін раз сур’ёзна панервавацца, разблытаць сетку недаказанасцей, смела прайсці праз недарэчныя абставіны. І ў рэшце рэшт зразумець, што гарманічныя сямейныя адносіны будуюцца не толькі на моцным каханні, але і на даверы.

Пастаноўка, музычнае афармленне, пераклад п’есы на беларускую мову Міхася КРАСНАБАЕВА.
Сцэнаграфія і касцюмы Святланы МАКАРАНКА.

ДЗЕЙНЫЯ АСОБЫ і ВЫКАНАЎЦЫ

УІЛЬЯМ ГАРЫСАН - Ілля БЛЫКІН / Цімур ЖУСУПАЎ

КЭЦІ ГАРЫСАН - Вікторыя ШАМАРДЗІНА

ДЖЫМІ СКОТ - Яўген БЕРАСНЕЎ

МЭДЖЫ СКОТ - Святлана СУХАДОЛАВА / Дар'я ФРАНЦУЗАВА

МІС ПЭЦІКТАН - Раіса ГРЫБОВІЧ / Вольга КУЛЯШОВА

ГЕНРЫ - Яўген БЕРАСНЕЎ / Юрась ЦВІРКА, уладальнік медаля Францыска Скарыны

ПАЛІСМЭН - Вадзім АСВЯЦІНСКІ

МОД - Ніна ОБУХАВА / Алёна МЕРКУШАВА

ЗОЭ - Таццяна ЛІХАЧОВА, заслужаная артыстка Рэспублікі Беларусь

Працягласць спектакля - 2 гадзіны з антрактам.

Фота спектакля - У ГАЛЕРЭІ.

Публікацыі:

1. «Прэм'ера камедыі становішчаў «Мая жонка - падманшчыца» адбудзецца на сцэне тэатра імя Якуба Коласа 21 лістапада» Т.Салаўёвай. - «Віцьбічы», 14.11.2019.
2. «У тэатры Якуба Коласа адбылася прэм'ера камедыі «Мая жонка - падманшчыца», прысвечаная дню заснавання коласаўскага калектыву» В.Сянькова. - Сайт газеты «Віцьбічы», 06.12.2019.

Навіна на ТРК «Віцебск»

«Время Art» на ТРК «Віцебск»