СПЕКТАКЛЬ «ЛЕАНАРДА ?» - НА ФЕСТЫВАЛІ Ў СЛАВЕНІІ

Спектакль Аляксандра Марчанкі «Леанарда ?» быў паказаны ў якасці госця на Міжнародным фестывалі славенскай драмы, які прайшоў з 2 па 10 красавіка ў горадзе Крань (Славенія, Еўрапейскі Саюз). Фестываль прымеркаваны да творчага юбілею славенскага драматурга Эвальда Флізара - аўтара п'есы «Як наконт Леанарда?», па якой пастаўлены спектакль. Пастаноўка, здадзеная ў студзені 2013 года, мела поcпех сярод акцёраў і пастаянных гледачоў тэатра імя Якуба Коласа, дзе адбылося некалькі паказаў на эксперыментальнай сцэне.

У фестывальным паказе спектакля «Леанарда ?» прымалі ўдзел заслужаныя артысты Рэспублікі Беларусь Тамара Скварцова і Вячаслаў Грушоў, артысты Галіна Букаціна і Анжаліка Баркоўская, Георгій Лойка і Наталія Саламаха-Конанава, Максім Каржыцкі і Яўген Бераснеў, Андрэй Качан і Марына Пятрова.

Над сцэнаграфіяй, касцюмамі і відэаінсталяцыямі да спектакля працаваў Андрэй Жыгур. Музычнае афармленне Аляксандра Крыштафовіча, плыстыка Дзіяны Юрчанкі.

У якасці аднаго з членаў журы фестываля быў запрошаны дырэктар-мастацкі кіраўнік Нацыянальнага акадэмічнага драматычнага тэатра імя Якуба Коласа Валерый Анісенка.