«СТУДЭНЦКІ ВЕЧАР» - НОВЫ ПРАЕКТ ТЭАТРА ІМЯ ЯКУБА КОЛАСА

1 лістапада Нацыянальны акадэмічны драматычны тэатр імя Якуба Коласа распачаў новы праект «Студэнцкі вечар».

Яго галоўная задача  – прывабіць да тэатральнага мастацтва сучасную віцебскую моладзь, распавесці ім пра высокае мастацтва Коласаўскага тэатра, пра яго гісторыю, пра людзей тэатра, якімі ганарыцца Віцебск і ўся Беларусь. Ініцыятарам праекту выступіла адзін з найбольш актыўных распаўсюджвальнікаў квіткоў Соф'я Пятроўна Мулер.

Першымі далучыліся да праекту студэнты Віцебскага дзяржаўнага тэхналагічнага ўніверсітэта. Для іх быў паказаны спектакль «Шагал… Шагал…». Але гэтым праект з коласаўцамі, вядома, не абмежаваўся.

Перад спектаклем адбылося  адкрыццё выставы жывапісу і скульптуры  «Чароўны ліхтар кахання» маладой мастачкі Наталлі Лавіцкай-Ярмолавай , якая працуе ў тэатры мастаком-дызайнерам і з’яўляецца выпускніцай Віцебскага дзяржаўнага тэхналагічнага ўніверсітэта. Яна - вучаніца выдатнага віцебскага скульптара і жывапісца Аляксандра Слепава. На яе рахунку ўжо не адна персанальная экспазіцыя ў Віцебску, Мінску, Оршы, удзел  у шэрагу рэспубліканскіх і міжнародных выстаў, конкурсаў у Мінску, Маскве, Санкт-Пецярбургу, Варшаве, Будапешце. Наталля робіць упэўненыя крокі і ў галіне сцэнаграфіі: яна аформіла спектаклі «Самая жаданая» Сяргея Гіргеля і «Агнявы Леў» Андрэя Кружнова. Цёплыя словы пра мастачку выказаў кіраўнік літаратурна-драматычнай часткі тэатра імя Якуба Коласа Алесь Замкоўскі і народная артыстка Беларусі Святлана Акружная.

Пасля адкрыцця выставы для студэнтаў была арганізавана экскурсія пра гісторыю і сучасны стан Коласаўскага тэатра. Яе правёў літаратурны рэдактар тэатра, тэатразнаўца Юрый Іваноўскі.

Непасрэдна напярэдадні спектакля сваімі думкамі пра значэнне тэатральнага мастацтва для моладзі, у прыватнасці для студэнтаў ВДТУ, падзялілася з прысутнымі дацэнт кафедры сацыяльна-гуманітарных дысцыплін, кандыдат філасофскіх навук Вольга Іванаўна Уткевіч.

Пра сутнасць і гісторыю спектакля «Шагал... Шагал...» расказала загадчык трупы Святлана Дашкевіч, якая доўгі час служыла на пасадзе кіраўніка літаратурна-драматычнай часткі тэатра і прымала ўдзел у стварэнні пастаноўкі.

Праект  «Студэнцкі вечар» меў паспяховы пачатак, а значыць - будзе жыць!
Чакаем далучэння іншых вышэйшых  і сярэдніх спецыяльных навучальных устаноў Віцебска.

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

      

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка