КРАНАЛЬНЫЯ ГІСТОРЫІ ВАЛЯНЦІНЫ БАГДАНАВАЙ

Сорак год таму актрыса Валянціна Багданава, зараз вядучы майстар сцэны, пасля заканчэння Беларускага тэатральна-мастацкага інстытута пачала сваю творчую дзейнасць у Беларускім тэатры імя Якуба Коласа. Першай акцёрскай работай стала Акуліна з драмы Льва Талстога «Улада цемры». Гэты вобраз патрабаваў ад маладой актрысы жыццёвага досведу, выбуховага тэмпераменту, вялікай унутранай самааддачы…

За творчае жыццё ў Валянціны Багданавай былі розныя па значнасці ролі: і цэнтральныя, і другога плану, і эпізадычныя, і выхад у масоўцы. Актрысу прываблівалі моцныя жаночыя характары. Такімі былі яе Вера з «Трох мяшкоў засмечанай пшаніцы» У.Цендракова, Лайма з «Клеменса» К.Саі, Ніна з дудараўскага «Парога», Гетэра з «Сёмага подзвігу Геракла» М.Рошчына, Таццяна з «Любові па перапісцы» Л.Вашко, Жэня з «Блуднага мужа і яго жонкі Варвары» Г.Марчука, Таццяна Іванаўна з «Плошчы Перамогі» А.Паповай…

У сталы перыяд творчага жыцця Валянціна Багданава дакранулася да тонкіх нюансаў душэўных перажыванняў класічных гераінь. Такімі, як Паліна Андрэеўна з «Чайкі» А.Чэхава альбо Люба са спектакля «І смех, і слёзы, і Любоў» паводле п’есы У.Набокава «Падзея».

У апошнія гады актрыса запомнілася гледачам знакавымі ролямі Жанны ў «Маленькім свеце» А.Паповай, Маці ў «Пазычаным шчасці» Ф.Палачаніна, Бабулі ў «Пахавайце мяне за плінтусам» П.Санаева. У бліжэйшы час віцебчане пабачаць Валянціну Багданаву ў спектаклі «Белы анёл з чорнымі крыламі» Дз.Балыка.

Коласаўскі тэатр віншую Валянціну Антонаўну Багданаву з 65-годдзем!
І жадае яскравых сцэнічных дасягненняў. Каб чарада дзён напоўнілася поспехам і любоўю.
Каб жыццё квітнела! Каб спрыяла ўдача!
Моцнага здароўя, жыццёвага аптымізму, новых творчых перамог!

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

      

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка