ФЕСТЫВАЛЬНЫЯ СУСТРЭЧЫ Ў БАБРУЙСКУ

З 27 па 31 кастрычніка ў Бабруйску, на сцэне Магілёўскага абласнога тэатра драмы і камедыі імя В.Дуніна-Марцінкевіча, праходзіць Рэспубліканскі фестываль нацыянальнай драматургіі. Пабывалі на ім і коласаўцы. Фактычна яны і адкрылі праграму свята драматычнай баладай «Не пакідай мяне…» па п’есе Аляксея Дударава. Рэжысёр-пастаноўшчык - заслужаны дзеяч мастацтваў Рэспублікі Беларусь, мастацкі кіраўнік Коласаўкага тэатра Валерый Анісенка. Спектакль быў вельмі цёпла прыняты гледачамі, высока ацэнены крытыкай.

Паездка віцябчан была даволі насычанай, бо апрача сустрэчы з гледачамі, яны змаглі наведаць некалькі прадпрыемстваў ААТ «Белшына». На заводзе масавых шынаў артыстаў ласкава прывітаў і азнаёміў з абсталяваннем, прадукцыяй галоўны інжынер ЗМШ Вадзім Нікіценка, на заводзе звышбуйнагабарытных шынаў гасцей з Віцебска сустрэў і правёў экскурсію  намеснік  дырэктара прадпрыемства Аляксандр Ачыновіч.

Рэспубліканскі фестываль нацыянальнай драматургіі ладзіцца з 1998 года, сёлета ён пяты па ліку. Сёлета, як і раней, форум меў статус міжнароднага. Маскоўскі акадэмічны драматычны тэатр імя Маякоўскага закрые фестываль спектаклем «Любоў людзей» па п’есе маладога беларускага драматурга Дзмітрыя Багаслаўскага. Апрача таго мясцовыя гледачы, крытыкі і госці свята ўжо пабачылі альбо яшчэ паспеюць азнаёміцца з пастаноўкамі тэатраў з Мінска, Віцебска, Гомеля, Магілёва, Бабруйска, Пінска.

Творчыя работы сёлета ацэняць у намінацыях «Лепшы спектакль», «Лепшая рэжысура», «Лепшая мужчынская роля», «Лепшая жаночая роля», «Лепшая сцэнаграфія». Пераможцу чакае Гран-пры. Журы ўзначальвае вядомы беларускі тэатральны крытык, тэатразнаўца, доктар філалагічных навук, прафесар Таццяна Дзмітрыеўна Арлова.

Акрамя конкурсу падчас фестывалю адбудуцца майстар-клас сцэнічнага майстэрства, тэатральная лабараторыя, чыткі п'ес.

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

      

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка