АДКРЫВАЕЦЦА НОВЫ, 90-ы, СЕЗОН КОЛАСАЎСКАГА ТЭАТРА!

Сёння, 8-га верасня 2015 года, Нацыянальны акадэмічны драматычны тэатр імя Якуба Коласа распачынае свой новы, 90-ы, тэатральны сезон. Амаль паўстагоддзя выходзяць на сцэну артысты-коласаўцы, каб радаваць майстэрствам, здзіўляць прем’ернымі спектаклямі, каб імкнуцца данесці да кожнага, што менавіта высокае мастацтва ўратуе свет.

Традыцыйна новы сезон адкрывае народная камедыя «Несцерка» Віталя Вольскага, эпізоды якой вымушалі смяяцца і задумвацца пра жыццё не адно пакаленне тэатралаў. У галоўнае ролі шчырага і кемлівага Несцеркі - вядучы майстар сцэны Пятро Ламан.

Чым уражваў Віцебск і ўсю Беларусь Коласаўскі тэатр у мінулым, 89-м, сезоне, можна прачытаць ў адной з мінулых навінаў на нашым сайце, а тое, што чакае ў будучым, спадзяемся, распавядуць журналісты пасля наведвання прэс-канферэнцыі, якая адбудзецца ў тэатральным фае 9-га верасня, а 14-й гадзіне. Чакаем і чытаем!

Запрашаем вас на ўсе спектаклі тэатра!
Сачыце за афішай!

Любіце Коласаўскі тэатр так, як ён любіць вас!