ЗАПРАШАЕМ У НОВЫ СЕЗОН!

Па даўняй традыцыі Нацыянальны акадэмічны драматычны тэатр імя Якуба Коласа адкрывае новы, 96-ы сезон, камедыяй Віталя Вольскага «Несцерка», паказ якой адбудзецца 12 верасня. І традыцыйна адбываецца сустрэча з прадстаўнікамі віцебскіх і рэспубліканскіх СМІ. Ад Коласаўскага тэатра ў прэс-канферэнцыі ўдзельнічалі дырэктар Аляксандр Старых, мастацкі кіраўнік Міхась Краснабаеў і кіраўнік літаратурна-драматургічнай часткі Алесь Замкоўскі.

Алесь Замкоўскі:
– Тэатр развіваецца, тэатр жыве, тэатр імкнецца. Гэты сезон адкрываецца спектаклем, які, нягледзячы, на вялікую гісторыю, можна лічыць і прэм’ерным. Бо ўводзіцца цэлы шэраг новых выканаўцаў. Сярод іх – Аляксандр Казлоў, які сыграе ролю шкаляра, Генадзь Гайдук увойдзе ў вобраз Мацея, Юрась Цвірка стане панам Бараноўскім, а Уладзіслаў Жураўлёў – Другім шляхцюком. Апрача таго, наша акцёрская моладзь, якая нядаўна прыйшла ў тэатр, і мы яе ўводзім у гэты спектакль у якасці масоўкі...

У гэтым годзе спектакль адзначыў юбілей – 80-годдзе першага паказу. Ці будуць з гэтай нагоды праводзіцца нейкія мерапрыемствы?

Алесь Замкоўскі:
– Такіх планаў у нас няма. Галоўнае адзначэнне – гэта сам спектакль.

– У вас у будучым сезоне многа юбілеяў. Але галоўны – 95-годдзе тэатра. Чым, акрамя новага спектакля “Ціль”, вы яго збіраецеся адзначаць?

Алесь Замкоўскі:
– Магчыма, як і ў мінулы юбілей, будзе арганізавана ў Віцебскім абласным краязнаўчым музеі выстава. Ёсць папярэдняя дамова пра мерапрыемствы з Віцебскай абласной бібліятэкай і гарадской бібліятэкай імя Горкага.

Міхась Краснабаеў:
– У нас вельмі загружаная восень. 22-23 верасня мы едзем на гастролі ў Магілёў са спектаклямі «Доктар філасофіі», «Восем закаханых жанчын» і «Сіўкай-Буркай», 10 кастрычніка на фестывалі «Ліпецкія тэатральныя сустрэчы» паказваем спектакль «Гульня ў джын».
16-17 кастрычніка ў Мінску на купалаўскай сцэне у рамках Нацыянальнай тэатральнай прэміі – спектаклі «Бальніца на краі свету» і
«Ваўкалак».

12-16 лістапада едзем на Рэспубліканскі фестываль нацыянальнай драматургіі ў Бабруйск са спектаклем «Метро», а 19-20 кастрычника на гастролі ў Гомель, дзе пакажам пастаноўкі «Доктар філасофіі», «Ваўкалак» і «Усе мышы любяць сыр». У канцы кастрычніка пакажам у Пасольстве Рэспублікі Беларусь у Расійскай Федэрацыі спектакль «Шагал…Шагал…». Можна было б, вядома, да юбілею падрыхтаваць адмысловы вечар, але вырашылі, што лепш спектакль, у якім будзе занятая ўся трупа.

– Ці папоўнілася трупа новымі акцёрамі?

Міхась Краснабаеў:
– Так. Яшчэ і ў мінулым сезоне ў нас пачалі працаваць Дар’я Французава, Ксенія Камінская і Антон Бараноўскі. Усе яны выпускнікі Віцебскага каледжа культуры і мастацтваў, дзе я ўжо тры гады вяду акцёрскі курс. Гэта дае мне магчымасць больш грунтоўна адбіраць выпускнікоў для працы ў тэатры, чым толькі пасля прагляду дыпломных спектакляў. Усе яны паступілі сёлета на завочны курс у Беларускую акадэмію мастацтваў. Акрамя іх, туды залічана і Паліна Крашэўская, якая мае, можа, ужо з дзесятак роляў.

– У новым сезоне шмат юбілеяў. Ці мяркуеце вы праводзіць бенефісы вядомых артыстаў-коласаўцаў?

Алесь Замкоўскі:
– Свае юбілейныя даты будуць адзначаць народная артыстка Беларусі Святлана Акружная, вядучыя майстры сцэны Анжаліка Баркоўская і Святлана Жукоўская, пазней, восенню – заслужаная артыстка Рэспублікі Беларусь Таццяна Ліхачова. Ці будуць яны праводзіць свае бенефісы? Гэта будзе відаць па абставінах. Дарэчы, у снежні гэтага года 50-годдзе адзначыць дырэктар тэатра Аляксандр Аляксандравіч Старых. Думаю, што для вас, журналістаў, гэта добрая нагода, каб сустрэцца і пагутарыць з ім. Усё ж такі ён ужо сем гадоў кіруе тэатрам.

– Ужо многа год таму ішла размова пра стварэнне тэатральнага музея. Ці ёсць нейкія зрухі ў гэтым напрамку?

Міхась Краснабаеў:
– З гэтым вам лепш звярнуцца да Святланы Арцёмаўны Акружной. Яна многа гадоў і сіл паклала на ўвасабленне гэтай ідэі.

– Але гэты праект не адбыўся?

Аляксандр Старых:
– Пакуль, на жаль, не.

– Ці будзе адбывацца нейкая мадэрнізацыя тэатра?

Аляксандр Старых:
– Так, мы працуем над заменай даху тэатра. Цяпер ужо ідзе другая чарга гэтых работ. Павінны іх закончыць да пачатку снежня. Хацелася б аднавіць гукавое і светлавое абсталяванне. Усё гэта будзе залежыць ад нашых фінансавых магчымасцей.

– Што б вы маглі распавесці пра новы спектакль «Ціль»?

Міхась Краснабаеў:
Як вы ведаеце, гэта адзін з першых спектакляў, з якіх пачынаў Марк Захараў у Ленкоме. У цэнтры п’есы Рыгора Горына звычайны просты чалавек, які становіцца здольным згуртаваць вакол сябе людзей. Дзесьці ён блазан, дзесьці герой. У яго складаны шлях. Думаю, што Яўген Бераснеў як вопытны артыст будзе здольным годна ўвасобіць гэты вобраз.

Алесь Замкоўскі:
– Адметна, што ў новым спектаклі вялікую ролю сыграе  і народны артыст Беларусі Тадэвуш Кокштыс. Думаю, ён будзе добрым прыкладам для маладых артыстаў, якія за ім пацягнуцца.

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
          

           

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка