«ВОСЕМ ЗАКАХАНЫХ ЖАНЧЫН» - У ЭФІРЫ ТЭЛЕРАДЫЁКАНАЛА «ВІЦЕБСК»

Тэлерадыёкампанія «Віцебск» працягвае па суботах трансляцыю спектакляў Нацыянальнага акадэмічнага драматычнага тэатра імя Якуба Коласа.

11 ліпеня, а 11-й і 19-й гадзіне, на тэлеканале «Віцебск» адбудзецца паказ спектакля «Восем закаханых жанчын» па п'есе Рабэра Тама.

Прэм’ера спектакля адбылася 28 чэрвеня 2018 года.

Вось яна, мара кожнага (ну, амаль кожнага) мужчыны: калі вакол восем жанчын, і ўсе цябе любяць. Што можа быць лепей? Пачуваеш сябе на сёмым небе ад шчасця. Вядома, у глыбіні душы разумееш, што любоў іх не цалкам бескарыслівая, але ці бывае на свеце абсалютна бескарыслівая любоў?

Жонка, яе сястра, цешча, дзве дачкі, дзве служанкі і родная сястра ахвяры – адносіны паміж імі вельмі і вельмі заблытаныя. Зайздрасць, рэўнасць, старыя крыўды – усяго тут намяшана. Але хто ж з гэтых улюбёных жанчын забіў беднага тату? І галоўнае – навошта?..

Пераклад Пятра ЛАМАНА. Рэжысёр-пастаноўшчык Уладзімір САВІЦКІ. Мастак-пастаноўшчык Ларыса РУЛЁВА. Музычнае афармленне Паўла ЗАХАРАНКІ. Харэаграфія Дзіяны ЮРЧАНКА.

У паказе спектакля занятыя заслужаная артыстка Рэспублікі Беларусь Таццяна Ліхачова (ГАБІ), Святлана Сухадолава (СЮЗОН), Анастасія Рэўчанка-Лук'янава (КАТРЫН), заслужаная артыстка Рэспублікі Беларусь Тамара Скварцова (МАМІ), заслужаная артыстка Рэспублікі Беларусь Галіна Букаціна (АГУСЦІНА), Святлана Жукоўская (ШАНЭЛЬ), Ганна Дубчанка (ЛУІЗА), Ірына Цішкевіч (П’ЕРЭТТА).

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

           

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка