ВІНШУЕМ З ДНЁМ НЕЗАЛЕЖНАСЦІ РЭСПУБЛІКІ БЕЛАРУСЬ!

Коласаўскі тэатр віншуе ўсіх з галоўным дзяржаўным святам –
Днём Незалежнасці Рэспублікі Беларусь!

Яно – адно з тых, калі з’яўляецца яшчэ адна нагода ганарыцца сваёй краінай, даведацца нешта новае пра культурныя традыцыі, гісторыю сваёй Радзімы. У гэты дзень нашы сэрцы перапаўняе радасць і ў той жа час  смутак ад усведамлення таго, якой дарагой сталася наша незалежнасць. Мы ўпэўнены ў тым, што і коласаўскі тэатр, папулярызуючы лепшыя творы беларускай літаратуры, працуючы на роднай мове, адстойваючы блізкія ўсім духоўныя каштоўнасці, вучыць любові да сваёй Бацькаўшчыны, уносіць свой немалы ўнёсак у нацыянальнае адраджэнне,у шчаслівую будучыню нашай Радзімы.

Жадаем міру і згоды, шчасця і дабрабыту Беларусі, а значыць, і ўсім нам!

Хай вершаваныя радкі Генадзя Бураўкіна будуць напамінам пра годнасць Беларусі!

Я не ганю землі чужыя, -
Хай іх сонца не абміне.
Толькі дзе б за морам ні жыў я,
Беларусь мая снілася мне.

Так карцела - сляза закіпала, -
Каб да сэрца хаця б здалёк
Прыплывалі жалейка Купалы,
Багдановічаў васілёк...

Гэта ўсё, безумоўна, не нова.
А ці трэба, каб новым было
Поле бацькава, матчына мова
І над хатай буслова жытло?

Хіба душы свае ня лечым
Ад бяздомных бядот і згрызот
Самым простым і самым вечным,
Што пранёс праз вякі народ?

І якія б шляхі ні схадзіў я,
Кліча полацкая сенажаць...
А калі не спяваць аб Радзіме,
Дык навошта наогул спяваць?

Адміністрацыя, прафкам, усе коласаўцы.

 

 

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

           

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка