УЗНАГАРОДЫ КОЛАСАЎСКАГА ТЭАТРА НА ФЕСТЫВАЛІ Ў НАВАШАХЦІНСКУ

29.05.2025

Сталі вядомыя вынікі IX Міжнароднага тэатральнага фестывалю «Любовь, что движет солнце и светила» ў расійскім Навашахцінску, на якім Нацыянальны акадэмічны драматычны тэатр імя Якуба Коласа паказаў спектакль «Дзеці. Вёрсты» паводле творчасці Якуба Коласа.

Пастаноўка Інэс Амамі ўзнагароджаная дыпломам «Прыз глядацкіх сімпатый». Мастак-пастаноўшчык Андрэй Жыгур. Кампазітар Павел Салдацікаў. Аўтар п'есы - Арцём Казюханаў.

Раіса Грыбовіч, выканаўца ролі Кабеты, адзначаная дыпломам імя народнага артыста СССР М.І.Бушнова «За лепшую жаночую ролю». Спецыяльнымі дыпломамі журы фестывалю «За высокую місію служэння тэатру» ўзнагароджаныя Раіса Грыбовіч і Генадзь Гайдук, выканаўца ролі Станцыйнага наглядчыка, уладальнік медаля Францыска Скарыны.

Віншуем тэатр імя Якуба Коласа і яго артыстаў, зычым далейшых творчых поспехаў!