РЭСПУБЛІКАНСКІ КОНКУРС ЧЫТАЛЬНІКАЎ. БЯРЫЦЕ ЎДЗЕЛ!

Міністэрствам культуры супольна з Беларускім дзяржаўным універсітэтам культуры і мастацтваў абвешчаны Рэспубліканскі конкурс чытальнікаў, прысвечаны 80-годдзю вызвалення Рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай Айчыннай вайне.

Конкурс праводзіцца з 16 верасня па 24 лістапада 2024 года. І будзе праходзіць у два туры: адборачны тур (у дыстанцыйнай форме) і заключны тур (у вочнай форме, на базе Спартыўна-культурнага цэнтра Беларускага дзяржаўнага ўніверсітэта культуры і мастацтваў. Намінацыі конкурсу – «Проза (індывідуальнае выкананне)» і «Паэзія (індывідуальнае выкананне)».

Для ўдзелу ў конкурсе запрашаюцца выканаўцы ва ўзросце ад 10 да 25 гадоў.

Заявы на ўдзел трэба накіраваць у перыяд з 16 верасня па 1 кастрычніка 2024 г. на электронную пошту: pc-art-major@mail.ru (з пазнакай «Конкурс чытальнікаў»).

З палажэннем конкурсу і заявай можна азнаёміцца на сайце Міністэрства культуры Рэспублікі Беларусь па спасылцы.