ПРЭМ’ЕРА! У КОЛАСАЎСКІМ ТЭАТРЫ «ПАСЕЛІЦЦА» «ПЁС БЕЛАГА ВОСТРАВА»

24 чэрвеня 2021 года (19:00) на вялікай сцэне Нацыянальнага акадэмічнага драматычнага тэатра імя Якуба Коласа адбудзецца прэм’ера інтэрактыўнай камедыі «Пёс Белага вострава» па аднайменнай п’есе вядомага беларускага драматурга Аляксея Дударава.

Малады акцёр Вілен занадта рана, з першай ролі, адчуў смак славы і глядацкай вядомасці. Як гэта кажуць, «злавіў зорку», але не змог утрымацца на небе. Шлях да поспеху, прафесійнага росту, кахання нішчаць благія звычкі... І хто дапаможа, калі ў кожнага свае ўласныя праблемы?!.. Але выйсце ёсць – Белы востраў і ягоны жыхар, анёл-ахоўнік Пёс. Белы востраў – нязбыўная мара, дзе кожны знаходзіць сябе і мае шчасце казаць толькі праўду.

Інтэрактыўны спектакль дазволіць гледачам стаць непасрэднымі, актыўнымі ўдзельнікамі сцэнічнага дзеяння. Яны разам з Віленам пройдуць складаны тэатральны шлях, напоўнены гумарам, камічнымі сітуацыямі і арыгінальнымі сюжэтнымі паваротамі. Усе разам мы даведаемся, ці магчыма здабыць шчасце і наблізіцца да запаветнай мары.

Пастаноўку і музычнае афармленне ажыццяўляе беларускі рэжысёр Святлана Навуменка, вядомая гледачам Коласаўскага тэатра па дзіцячых пастаноўках «Залатое сэрцайка», «Гісторыя двух сабак», «Папялушка». Сцэнаграфія і касцюмы Юрыя Саламонава. Харэаграфія Дзіяны Юрчанка. Тэксты песень Максіма Дубоўскага.

Пераклад на беларускую мову Алеся Замкоўскага. У спектаклі выкарыстоўваюцца цытаты на італьянскай і рускай мовах.

У новым спектаклі занятыя: Дзмітрый Каваленка / Аляксандр Казлоў (Пёс), Яўген Бераснеў (Вілен), Ульяна Ацясава / Вікторыя Шамардзіна (Жанэтт), Арцём Блахін / Уладзіслаў Жураўлёў (Фэд), Ніна Обухава / Наталля Саламаха-Конанава (Еўдакія), Святлана Жукоўская / заслужаная артыстка Рэспублікі Беларусь Таццяна Ліхачова (Ліля Канстанцінаўна).

Квіткі на прэм’еру спектакля «Пёс Белага вострава»
можна набыць у касе тэатра (тэлефон 62-63-81)
і на сайце kvitki.by -
на 24 чэрвеня.

Любіце Коласаўскі тэатр, як ён любіць вас!

 

 

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
          

           

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка