НА ПАЧАТКУ ВЯСНЫ – ГАЛА-КАНЦЭРТ ЗОРАК ВЯЛІКАГА ТЭАТРА БЕЛАРУСІ Ў ВІЦЕБСКУ

3 сакавіка на сцэне Нацыянальнага акадэмічнага драматычнага тэатра імя Якуба Коласа адбудзецца ўнікальны канцэрт з удзелам вядучых майстроў оперы і балета, а таксама музыкантаў Вялікага тэатра Беларусі.

Салісты беларускага балета прадставяць на гала-канцэрце класічныя нумары, што ўвайшлі ў «залаты фонд» балетнага мастацтва, і стылёвыя пошукі сучасных харэографаў.

Маладая зорка беларускай оперы Ірына Кучынская, якая мела поспех на сцэнах Міхайлаўскага тэатра ў Санкт-Пецярбургу і Беларускага музычнага тэатра, выступае з Прэзідэнцкім аркестрам Рэспублікі Беларусь і на творчых праектах Беларускай дзяржаўнай акадэміі музыкі, выканае на сцэне Коласаўскага тэатра арыі Норын з оперы «Дон Паскуале» Гаэтана Даніцэці, Карамбаліны з аперэты «Фіялка Манмартра» Імрэ Кальмана, калыханку Клары з оперы «Поргі і Бэс» Джорджа Гершвіна і іншыя.

Меламанаў парадуе бліскучы дуэт Ірыны Кучынскай і маладога беларускага тэнара Віктара Мендзелева. У іх выкананні прагучаць знакамітая неапалітанская песня «Funiculi, Funicula» Дэнца і «Застольная» з оперы «Травіята» Джузэпэ Вердзі. Лаўрэата міжнародных конкурсаў Віктара Мендзелева беларускія гледачы ведаюць і любяць па спектаклях «Макбет» Джузэпэ Вердзі, «Пікавая дама» Пятра Чайкоўскага, «Царская нявеста» Мікалая Рымскага-Корсакава, «Вяселле Фігара» і «Чароўная флейта» Моцарта, «Турандот» Джакома Пучыні, «Паяцы» Руджэра Леанкавала і многіх іншых. На канцэрце ў Віцебску гледачы пачуюць у яго выкананні папулярныя італьянскія песні, што сталі класікай – «Core 'ngrato» Кардзіла і «O sole mia».

Знакамітыя неапалітанскія песні, а таксама «Турэцкі Марш» Моцарта ў джазавай апрацоўцы, дуэт Прывіда і Крысціны з мюзікла «Прывід оперы» Уэбера, танга «Por uno cabeza» Карласа Гардэля, танга «Вясна» Астора П’яцолы і іншыя вядомыя творы стануць падарункам гледачам ад струннага квартэта «Vivat Quartet», які складаецца з выпускнікоў Беларускай дзяржаўнай акадэміі музыкі — артыстаў аркестра Вялікага тэатра Беларусі.

Пачатак гала-канцэрта а 18-й гадзіне.

Квіткі на гала-канцэрт
зорак Вялікага тэатра Беларусі
можна набыць у касе тэатра (тэлефон 62-63-81)
і праз сайт kvitki.by.

Чакаем вас у тэатры!

 

 

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

      

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка