НА КОЛАСАЎСКАЙ СЦЭНЕ - СМАЛЕНСКІ КАМЕРНЫ ТЭАТР

30.01.2025

У сакавіку ў Нацыянальным акадэмічным драматычным тэатры імя Якуба Коласа - гастролі Смаленскага камернага тэатра. Расійскія артысты пакажуць на вялікай сцэне два камедыйныя спектаклі.

5 сакавіка, 19:00, - карціны нашага жыцця на 2-е дзеі «ЖЕНИТЬБА БАЛЬЗАМИНОВА» па п'есе Аляксандра Астроўскага.

Гледачоў чакае яркая і незвычайная пастаноўка, якая мае ў сабе шмат нечаканых хадоў і запамінальных дэталяў. На матэрыяле несмяротнай драматургіі Астроўскага робяцца заўважней актуальныя праблемы сённяшніх маладых людзей. Вялікія класікі, падобныя да Астроўскага, ловяць у струмені сучаснага для іх жыцця ўтоеныя плыні, якія ідуць у будучыню. Які сёння Міша Бальзамінаў? Усё такі ж пасіўны сузіральнік навакольнага жыцця, як у фільме Канстанціна Воінава 1964 года? Хто сёння можа жадаць выйсці за яго замуж?

Стваральнікі спектакля не ставяць перад сабой мэты асучасніць адлюстраваную ў п'есах Астроўскага эпоху. Думкі і маральныя ідэі драматурга застаюцца актуальнымі і ў наш час. Скіраваны як супраць бяздумнага, гэтак і супраць бяздушна-ашчаднага дачынення да жыцця, спектакль можа быць цікавы як моладзі, так і сталай публіцы.

Рэжысёр-пастаноўшчык Пётр Арлоў. Сцэнаграфія і касцюмы – заслужаны мастак Расіі Святлана Архіпава. Кампазітар Аляксей Батракоў. Мастак па святле Іван Баханкоў. Балетмайстар Алена Ягорава.

Прэм'ера - 30 снежня 2022 года. Узроставае абмежаванне - 12+. Працягласць - 2 гадзіны 35 хвілін з антрактам. Спектакль ідзе на рускай мове.

6 сакавіка, 19:00, - камедыя на 2-е дзеі «РОЖДЕСТВЕНСКИЕ ГРЁЗЫ» па п'есе Надзеі Птушкінай «Пакуль яна памірала».

Спектакль, створаны па матывах п'есы Надзеі Птушкінай «Пакуль яна памірала» і пастаўлены рэжысёрам камернага тэатра Пятром Арловым, стаў яркім завяршальным акцэнтам 2024 года.

У Каляды кожны хоча верыць у цуд! Лірычная камедыя пра дзвюх жанчын, маці і дочкі, якія шмат гадоў жывуць разам у атмасферы ціхай адзіноты і клопату адна пра адну. Але ў той жа час абедзве яны бязмерна самотныя. І раптам жыццё гераінь цудоўным чынам змяняецца, і яны знаходзяць сапраўднае сямейнае шчасце і душэўную гармонію. Бо праўдзівая любоў здольная ствараць сапраўдныя цуды!

Рэжысёр Пётр Арлоў. Сцэнаграфія і касцюмы – заслужаны мастак Расіі Святлана Архіпава. Балетмайстар Алена Ягорава.

Прэм'ера - 28 снежня 2024 гады. Узроставае абмежаванне - 16+. Працягласць - 2 гадзіны з антрактам. Спектакль ідзе на рускай мове.

Квіткі - у касе тэатра. Тэлефон 62-63-81.
Рэжым работы касы:
аўторак-пятніца - з 12.30 да 19.30
субота-нядзеля - з 12.30 да 18.30
Выходны - панядзелак.