«ЦІЛЬ». 95-годдзю КОЛАСАЎСКАГА ТЭАТРА ПРЫСВЯЧАЕЦЦА!

Набліжаецца знакавая дата. 21 лістапада 2021 года Нацыянальны акадэмічны драматычны тэатр імя Якуба Коласа адзначае свой 95-гадовы юбілей. Коласаўцы выйдуць на вялікую сцэну з прэм’ерай трагікамедыі «Ціль» па п’есе Рыгора Горына. У спектаклі занятая амаль уся трупа тэатра.

Пастаноўку спектакля, насычанага яскравым гумарам і гераічным пафасам, ажыццяўляе мастацкі кіраўнік тэатра Міхась Краснабаеў. Сцэнаграфія Наталлі Лавіцкай-Ярмолавай. Касцюмы стварае Святлана Макаранка. Музыка Руслана Стаброўскага. Харэаграфія Дзіяны Юрчанка. Пераклад і тэксты песень Алеся Замкоўскага.

Створаная па матывах рамана Шарля дэ Кастэра, п’еса Рыгора Горына распавядае пра сярэдневечнага блазна Ціля Уленшпігеля, гісторыя якога ніколі не згубіць актуальнасці.

Калісьці яго бацькам Клаасу і Саоткін прадказалі, што ў іх сям’і народзіцца герой Фландрыі. Так і адбылося – гаварун і весялун Ціль з цягам часу пераўтвараецца ва ўзор мужнасці і свабодалюбства, у героя, здольнага гаварыць праўду – праз лёгкія насмешкі і саркастычныя выказванні. Творца па сутнасці, Ціль жартуе і змагаецца з хлуснёй у неспрыяльных умовах росквіту іспанскай інквізіцыі і вайны. Ягоны востры язык не шкадуе нікога. І разам з тым, Ціль справядлівы і моцны духам, ён кахае, марыць, разважае па-філасофску глыбока, ён верыць, што пераможа дабро.

Ролю Ціля Уленшпігеля выконвае вядучы майстар сцэны Яўген Бераснеў.

Узроставае абмежаванне – 16+.

Шчыра запрашаем усіх сваіх любімых гледачоў разам з намі адсвяткаваць 95-годдзе!
Пачатак а 18-й гадзіне.

Любіце Коласаўскі тэатр, як ён любіць вас!

 

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

  

ТЭАТР У САЦЫЯЛЬНЫХ СЕТКАХ

           

 

ІНФАРМАЦЫЙНЫЯ ПАРТНЁРЫ

           
          

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка