21 ЛІСТАПАДА, У ДЗЕНЬ ЗАСНАВАННЯ КОЛАСАЎСКАГА ТЭАТРА, - ПРЭМ'ЕРА СПЕКТАКЛЯ «АПОШНІЯ»

21 лістапада для ўсіх, хто прысвяціў сваё  прафесійнае і творчае жыццё Коласаўскаму тэатру, а таксама для ўсіх яго прыхільнікаў – асаблівы дзень. Бо менавіта 91 год таму спектаклем «У мінулы час» па п’есе Іллі Бэна распачалася наша славутая гісторыя.

35 выпускнікоў Беларускай драматычнай студыі ў Маскве стварылі творчае ядро будучага калектыву, які напачатку называўся БДТ-2 (Беларускі дзяржаўны тэатр другі). Нашу гісторыю стваралі сапраўдныя карыфеі беларускага сцэнічнага мастацтва – Аляксандр Ільінскі і Цімох Сяргейчык, Павел Малчанаў і Канстанцін Саннікаў, Мікалай Звездачотаў і Анатоль Шэлег, Іосіф Матусевіч і Анатоль Трус, Алена Радзялоўская і Яніна Глебаўская,Фёдар Шмакаў і Зінаіда Канапелька... Сваю адметную старонку ў яе пазней упісалі Уладзімір Куляшоў і Галіна Маркіна, Георгій Дубаў і Яўген Шыпіла, Леанід Трушко і Мікалай Цішачкін, Генадзь Шкуратаў і Людміла Пісарава. Сёння традыцыі, закладзеныя іх выдатнымі папярэднікамі развіваюць і працягваюць як артысты старэйшага пакалення, так і таленавітая, вельмі перспектыўная моладзь.

Мы з гонарам носім пачэснае званне «Нацыянальны», якое прысуджана лепшым творчым тэатральным калектывам рэспублікі, і пацвярджаем яго яскравымі, таленавітымі пастаноўкамі, перамогамі на прэстыжных міжнародных фестывалях.

Хочацца пажадаць нам усім  новых здабыткаў на ніве беларускай сцэнічнага мастацтва, поспехаў і прызнання ў гледача, творчай нястомнасці і натхнення!

Віват, тэатр! Віват, коласаўцы!

Коласаўскі тэатр адзначае дзень свайго заснавання прэм’ерай спектакля «Апошнія» - сямейнай драмай па п’есе Максіма Горкага. Рэжысёр-пастаноўшчык - мастацкіі кіраўнік тэатра Міхась Краснабаеў. Мастак-пастаноўшчык - Святлана Макаранка.

Прыходзьце ў тэатр і далучайцеся да нашага святкавання!

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.
Image CAPTCHA
Enter the characters shown in the image.

             
             

      

X
Укажите ваше имя на сайте Нацыянальны акадэмічны драматычны тэатр імя Якуба Коласа.
Укажите пароль, соответствующий вашему имени пользователя.
Загрузка