ТР'ЯМ! ВІТАЮ!

0+

Сяргей Казлоў.

Казачка для самых маленькіх на 1-у дзею.

Камерная сцэна.

Прэм'ера - снежань 2013 года.

Калі вы маеце багатую фантазію, неадольнае жаданне да прыгодаў і веру ў лепшае, то вы абавязкова пасябруеце з нашымі «героямі-прыдумшчыкамі». Сціплы, даверлівы і дужа цікаўны Вожык, шчыры, крышачку ўпарты, але надзвычай добразычлівы Мядзведзік, гарэзлівы, спрытны і вясёлы Зайка запросяць вас у сапраўднае падарожжа ў таямнічую краіну «Цілімілімляндыю». У той краіне ўсе гавораць «па-цілімілімляндску», называюцца «мляндамі», ходзяць дагары нагамі і вітаюць адзін аднаго словам «Тр’ям!». І галоўнае – там няма ваўкоў. Гэтак задумаў Мядзведзік. У яго краіне Ваўкоў не будзе ніколі. Але ж… Адна справа – фантазія, а другая – рэальнасць. І як не стараліся сябры, адзін галодны, але такі інтэлігентны Воўк вырашыў давесці ўсім сваё існаванне. І распачаў паляванне на нашых мілых звяркоў.

Якім чынам сябры здолеюць пазмагацца за сваю бяспеку? Ці застанецца галодным шэры Воўк? Пабачым у спектаклі! Вясёлая музыка, адданыя і ветлівыя артысты, пальчыкавыя лялькі, феерверкі – удала ствараюць настрой і захапляюць увагу малых гледачоў.

Пераклад Вікторыі ДАШКЕВІЧ.
Рэжысёр-пастаноўшчык Ірына ЦІШКЕВІЧ.
Музычнае афармленне Алены ЯЎНЕВІЧ.
Касцюмы і сцэнаграфія Аляксандра СЛЕПАВА.
Пластыка Яўгена ЛУК'ЯНАВА.

ДЗЕЙНЫЯ АСОБЫ і ВЫКАНАЎЦЫ

МЯДЗВЕДЗІК - Дзмітрый КАВАЛЕНКА

ВОЖЫК – Паліна КРАШЭЎСКАЯ

ЗАЯЦ - Яўген БЕРАСНЕЎ

ВОЎК - Уладзіслаў ЖУРАЎЛЁЎ / Дзмітрый КАВАЛЕНКА

Працягласць спектакля – 35 хвілін без антракту.

Фота спектакля – У ГАЛЕРЭІ.

Фестывалі

- Фестываль тэатра, творчасці і чытання «Казачны джэм» (Мінск, 2017)