СЫМОН-МУЗЫКА

12+

Паводле аднайменнай паэмы Якуба Коласа.

Мелодыя парванай струны.

Вялікая сцэна.

Прэм’ера - 21 лістапада 2018 года.

Паэма народнага пісьменніка, нашага генія Якуба Коласа «Сымон-музыка» – неўміручы твор беларускай літаратуры, лірычны эпас, прасякнуты музыкай нашай мовы і напоўнены невычарпальнай духоўнай каштоўнасцю. Пры ўважлівым прачытанні ў кожным вобразе адкрываюцца прыхаваныя сэнсы, у кожным раздзеле – актуальныя тэмы. Твор звернуты да беларуса асабіста і да ўсёй нашай нацыі. На коласаўскай сцэне паэма набывае сучаснае тэатральнае ўвасабленне.

Каб займець годнае месца ў жыцці чалавек, а тым больш творца – «чалавек без скуры», мусіць прайсці праз мноства выпрабаванняў. Звычайны беларускі юнак, чытаючы ўслых новыя і новыя вершы паэмы, прымярае на сябе і вобраз, і лёс Сымона-музыкі, які атрымаў ад Бога талент і надзвычайнае разуменне свету. Сымона, які ідзе па свеце са скрыпкай у руках, чакаюць выгнанне з роднага дома і галеча, невыносная праца і знявага сваёй творчасці, абраза годнасці і згуба каханай... Куды прывядзе яго гэты выпрабавальны шлях? Ці будзе хоць недзе ў гэтым свеце месца Сымону-чалавеку, Сымону-беларусу, Сымону-музыку?..

Прэм’ера спектакля прысвячаецца 100-годдзю напісання першай рэдакцыі паэмы «Сымон-музыка».

Інсцэніроўка і пастаноўка Міхася КРАСНАБАЕВА.
Мастак-пастаноўшчык Святлана МАКАРАНКА.
Кампазітар Арцём КРАСНАБАЕЎ.
Балетмайстар Дзіяна ЮРЧАНКА.
Відэаінсталяцыі Алега ЧАРНЯКА.

ДЗЕЙНЫЯ АСОБЫ і ВЫКАНАЎЦЫ

СТАРЫ, КУРЫЛА, ЖАБРАК, ДЗЕД ДАНІЛА - Тадэвуш КОКШТЫС, народны артыст БССР, лаўрэат Дзяржаўнай прэміі Беларусі

СЫМОН - Дзмітрый КАВАЛЕНКА

ГАННА - Паліна КРАШЭЎСКАЯ

БАЦЬКА СЫМОНА -  Георгій ЛОЙКА, заслужаны артыст Рэспублікі Беларусь

МАЦІ СЫМОНА - Таццяна ЛІХАЧОВА, заслужаная артыстка Рэспублікі Беларусь

БАЦЬКА ГАННЫ - Юрась ЦВІРКА

МАЦІ ГАННЫ - Анжаліка БАРКОЎСКАЯ

ШЛЁМА - Генадзь ГАЙДУК

ХАВА - Раіса ГРЫБОВІЧ

КНЯЗЬ - Яўген БЕРАСНЕЎ

МОЛАДЗЬ, СЯЛЯНЕ, ЛЮДЗІ Ў КАРЧМЕ, ПАНЫ, ПАНЕНКІ - Наталля АЛАДКА, Ульяна АЦЯСАВА, Арцём БЛАХІН, Герман ДЫМАРЭЦКІ, Святлана ЖУКОЎСКАЯ, Уладзіслаў ЖУРАЎЛЁЎ, Цімур ЖУСУПАЎ, Святлана СУХАДОЛАВА, Алёна ЧЫСТАБАЕВА, Вікторыя ШАМАРДЗІНА

Працягласць спектакля - 1 гадзіна 20 хвілін без антракту.

Фота спектакля - У ГАЛЕРЭІ.

Фестывалі

- XXIV Міжнародны тэатральны фестываль «Белая вежа» (Брэст, 2019)
- Рэспубліканскі фестываль нацыянальнай драматургіі (Бабруйск, 2019). Народны артыст БССР, лаўрэат Дзяржаўнай прэміі Беларусі Тадэвуш Кокштыс узнагароджаны дыпломам «За таленавітае жыццё ў мастацтве і выкананне роляў Старога - Курылы - Жабрака - Дзеда Данілы ў спектаклі «Сымон-музыка»

Публікацыі

1. «Мелодия разорванной струны» Т.Пастернак (о премьере спектакля «Сымон-музыка»). - «Витебские вести», 24.11.2018
2. «Пра «тонкую скуру» творцы» Ю.Іваноўскага. - «Культура», 01.12.2018