«ВАМ СМЕШНА... А МНЕ ЖАНІЦЦА!» ВЯДОМЫЯ РАСІЙСКІЯ АРТЫСТЫ ТЭАТРА І КІНО НА КОЛАСАЎСКАЙ СЦЭНЕ

 

10  лютага, 19:00, на коласаўскай сцэне зноў адбудуцца гастролі тэатральна-канцэртнага агенцтва «Антракт» (Санкт-Пецярбург, Расія). Артысты з горада над Нявой пакажуць камедыю «Вам смешна… А мне жаніцца па п’есе Ліліі Моцар.

У санаторыі для акцёраў сустракаюцца двое – Ён і Яна. Некалі даўно ў маладосці яны былі закаханыя адно ў аднаго, але ў першую шлюбную ноч Ён пераблытаў сваю нявесту з іншай… Ці пазнаюць яны адно аднаго ці зробяць выгляд, што незнаёмыя? Што абяцае ім сустрэча, бо ў санаторыі зноў плануецца вяселле – медсястры Галачкі, якая ніяк не выйдзе замуж, і пастаяльца санаторыя. Чым скончыцца гэта вяселле? Пра гэта вы даведаецеся з вясёлай, музычнай і вельмі смешнай камедыі вядомага сучаснага драматурга Ліліі Моцар.

 

У спектаклі бяруць удзел знакамітыя расійскія артысты. Аляксандра Самохіна вядомая па фільмах «Тры колеры кахання» (Маша Пятрова), «Аб’яўлены ў вышук» (жонка Лазара), «Апошняя ахвяра» (Вера), «Тата ў законе» (Валерыя Няверава), «Цудоўная пяцёрка-3» (Крысціна).  Вольга Гардзійчук - па фільмах «Эра Стральца» (Юлія Казначэева), «Вуліцы разбітых ліхтароў-3» (маці Олі), «Вуліцы разбітых ліхтароў-10» (Зоя Іванаўна), «Гончыя-5» (Ганна) і іншыя. Дзяніс Партноў - па фільмах «Апошняе падарожжа Сіндбада» (Валянцін Савельеў), «Тайны следства-13»  (начальнік аховы рынку), «Вуліцы разбітых ліхтароў-13» (Котаў) і многія іншыя, Сяргей Выбарнаў - па стужках «Мянтоўскія войны-9» (Рошчын, генерал), «Белая ноч» (Сцягаеў, палкоўнік міліцыі), «Цудоўная пяцёрка» (Сяргей Красаўчынка, бацька Дзмітрыя) і іншыя.

Рэжысёр пастаноўкі Раман Камхен. Харэограф Аксана Баранава.

Узроставае абмежаванне - 16+. Спектакль ідзе на рускай мове.

Квіткі – у касе тэатра (тэлефон 62-63-81) альбо на сайце kvitki.by.

Чакаем вас у нашым тэатры!

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и параграфы переносятся автоматически.
CAPTCHA
Этот вопрос нужен что бы определить что вы не робот и придотвратить рассылку спама.

 

З ДАПАМОГАЙ QR-КОДА
АЦАНІЦЕ ТВОРЧУЮ РАБОТУ ТЭАТРА НА ПАРТАЛЕ РЭЙТЫНГАВАЙ АЦЭНКІ

  

ТЭАТР У САЦЫЯЛЬНЫХ СЕТКАХ

          

 

ІНФАРМАЦЫЙНЫЯ ПАРТНЁРЫ

 

           

               

 

X