У СНЕЖНІ НА КОЛАСАЎСКАЙ СЦЭНЕ – ГАСТРОЛЬНАЯ «КАРНАВАЛЬНАЯ НОЧ»

13 снежня на вялікай сцэне тэатра імя Якуба Коласа пройдзе канцэртна-тэатральнае камедыйнае шоу «Карнавальная ноч». Стваральнік праекту – беларускі кампазітар Вадзім Рузаў.

Усімі любімыя і вядомыя песні з савецкіх і замежных кінафільмаў, мюзіклаў і аперэт, іскрысты гумар, у спалучэнні з ноткай французскага шансона і італьянскімі мелодыямі, цыркавы ілюзіён і фокусы створаць невымоўна душэўную і святочную атмасферу сапраўднай Навагодняй Карнавальнай Ночы.

У шоу бяруць удзел:

– прыма Беларускага музычнага тэатра Наталля Дзяменцьева;
– лаўрэат міжнародных конкурсаў Арцём Хамічонак;
– саліст Беларускай дзяржаўнай філармоніі, уладальнік медаля Францыска Скарыны Ігар Задарожны;
– спявачка Анастасія Лейкіна, пераможца тэлевізійнага праекту «Поющие города-3», «Беларуская Лара Фабіян», як назваў яе Аляксандр Ціхановіч.

Сюрпрызам для гледачоў стане віртуозны выканаўца, фіналіст тэлевізійнага шоу «Я МОГУ!», які па-майстэрску іграе на «Спеўных крыштальных куфлях».

Вядоўца шоу – вядомы комік Шура Вергуноў.

Пачатак – а 19-й гадзіне. Узроставае абмежаванне – 6+.

Шоу ідзе на рускай мове.

Квіткі можна набыць у касе тэатра (тэлефон 62-63-81)
або на сайце kvitki.by.