ДЗЕЦІ І ІХ БАЦЬКІ ІДУЦЬ ГЛЯДЗЕЦЬ «СІЎКУ-БУРКУ»

На вуліцы – лета, спякота, і многім дзецям няма чым заняцца! Шаноўныя віцебскія бацькі і госці горада! 2 ліпеня, у 12.00, падарыце сваім маленькім гарэзнікам неверагодную радасць – казачную тэатральную вандроўку разам з героямі спектакля «Сіўка-Бурка» Я.Тарасава. Гэта першы паказ на гледача пасля аднаўлення спектакля. Фотаздымкі - у Галерэі.

Акцёры Коласаўскага тэатра раскажуць вам гісторыю пра трох братоў. Усё традыцыйна: два старэйшыя – гарныя і разумныя, а трэці – дурны. Але менавіта ён стане галоўным героем, зловіць злодея, які дратуе пшаніцу і зможа заваяваць сэрца Царэўны.

Пастаноўка напоўненая музыкай розных краін свету, ад якой немагчыма сядзець на месцы. А маладыя коласаўцы надаюць спектаклю неўтаймоўную энергію і шчырую весялосць.

Дарэчы, у вялікай зале тэатра – прахалода. Не тое, што на вуліцы.

Пастаноўка Яўгена Тарасава. Рэжысёр аднаўлення і аўтар музычнага афармлення - артыстка, вядучы майстар сцэні Ірына Цішкевіч. Мастак-пастаноўшчык Святлана Макаранка. Харэограф Дзіяна Юрчанка.

Запрашаем!!!

2 ліпеня, а 12-й гадзіне,
на спектакль «Сіўка-Бурка» –
музычную казку для дзяцей і дарослых
на вялікай сцэне тэатра імя Якуба Коласа.

Сачыце за афішай!
Любіце тэатр так, як ён любіць вас!