Святлана ДАШКЕВІЧ

Нас абавязкова ўратуе любоў, паколькі, як адзначыў брытанскі драматург Рональд Харвуд, «мастацтва  не мае сэнсу, калі яно не выводзіць з адчаю і не вымушае біцца нашыя сэрцы».

БІЯГРАФІЯ

Нарадзілася 18 кастрычніка 1952 года ў гарадскім пасёлку Халопенічы Крупскага раёна Мінскай вобласці.

З 1969 па 1974 год навучалася ў Беларускім дзяржаўным універсітэце імя У.І.Леніна.

З 1974 па 1979 год працавала ў сярэдняй школе №34 г.Віцебска.

З 1979 па 1990 год працавала ў Нацыянальным акадэмічным драматычным тэатры імя Якуба Коласа:
1979-1980 гады - цырульнік-грымёр,
1980-1984 гады - асістэнт рэжысёра,
1984-1990 гады - памочнік галоўнага рэжысёра па літаратурнай частцы.

З 1990 па 1991 год працавала кіраўніком літаратурна-драматычнай часткі Беларускага тэатра «Лялька».

З 1991 года працуе ў Нацыянальным акадэмічным драматычным тэатры імя Якуба Коласа:
1991-2012 гады - загадчык інфармацыйнай часткі,
2012-2013 гады - вядучы літаратурны рэдактар,
2013-2017 гады - памочнік рэжысёра.
2017-2020 гады - загадчык трупы.

З 2020 года працуе асістэнтам рэжысёра Нацыянальнага акадэмічнага драматычнага тэатра імя Якуба Коласа.

УЗНАГАРОДЫ

2001 – Грамата Міністэрства культуры Рэспублікі Беларусь.

2006 – Грамата Міністэрства культуры Рэспублікі Беларусь.

2007 - нагрудны знак Міністэрства культуры Рэспублікі Беларусь «За ўклад у развіццё культуры Беларусі».

2015 - прыз Беларускага саюза тэатральных дзеячаў «Натхненне».

2017 - Ганаровая грамата Міністэрства культуры Рэспублікі Беларусь.

ДЗЕЙНАСЦЬ У КОЛАСАЎСКІМ ТЭАТРЫ

Святлана Мікалаеўна Дашкевіч аддала амаль усё працоўнае жыццё тэатральнаму мастацтву, і зараз працягвае аддана працаваць на карысць Коласаўскага тэатра, дасканала ведае дзейнасць усіх ягоных структур. 

У творчай скарбонцы Святланы Дашкевіч – пераклады з рускай на беларускую мову п’ес да спектакляў «Грахі бацькоў» («Прывіды» Г.Ібсена), «Раманс на два галасы» («З Новым годам!» М.Варфаламеева), «Ён. Яна. Акно. Нябожчык.» («№13» Р.Куні), «Я чакаю сапраўднага мужчыну» («Прывабная жанчына з кветкай і вокнамі на поўнач» Э.Радзінскага), «О-ля-ля!..» («Вось табе і Ганна!» М.Камалеці), «Дарослыя дзеці» («Гэтыя вольныя матылькі» Л.Герша), «Гісторыя кахання» (інсцэніроўка аповесці Э.Сігала). З’яўляецца ініцыятарам правядзення і аўтарам сцэнарыяў многіх творчых вечароў на сцэнах тэатра.

Па ініцыятыве Святланы Дашкевіч у Коласаўскім тэатры больш за 20 год запар праводзіцца гарадскі конкурс «Сцэнічныя чытанні «Школьны тэатр», сумесна з Міністэрствам культуры Рэспублікі Беларусь, Віцебскім гарвыканкамам. Мэта конкурсу – прапаганда беларускай драматургіі на самадзейнай тэатральнай сцэне, далучэнне моладзі да тэатральнага мастацтва, культывацыя культурных каштоўнасцей у асяроддзі школьнай і студэнцкай моладзі, выхаванне глядацкай культуры.

На працягу 25 гадоў была сакратаром мастацкага савета тэатра імя Якуба Коласа.

ПУБЛІКАЦЫІ

1. «І хобі для яе, і праца» Ю.Іваноўскага. - Літаратура і мастацтва. – 25 января 2008 года. – С.10.